BUTAXİDMƏT.az — sosial həssas qruplara dəstək məqsədi daşıyan bir onlayn platformadır. Platformanın əsas məqsədi tənha analar, eşitmə məhdudiyyətli şəxslər, uşaq evləri və internat məktəblərindən məzun olmağa hazırlaşan və artıq məzun olmuş gənclərin peşə sahibi olmalarına, eləcə də öyrəndikləri sahələrdə istehsal etdikləri məhsul və xidmətləri təqdim etmələrinə şərait yaratmaqdır. Eyni zamanda işsiz və sosial həssas qruplardan olan şəxslərin müraciətləri əsasında bacarıqlarına uyğun iş imkanları tapmalarına dəstək göstərəcək. Bu veb-səhifə vasitəsilə məqsədimiz Azərbaycanın müxtəlif bölgələrində yaşayan sosial həssas qrupların iqtisadi cəhətdən gücləndirilməsinə, onların onlayn platformada bir araya gəlməsinə, bilik və bacarıqlarının tanıdılmasına, potensial işəgötürənlərlə əlaqə yaratmalarına və ictimai-sosial həyata daha fəal inteqrasiyasına töhfə verməkdir.